मुंबई : लहान राज्यात सरकार आणून किंवा लोकप्रतिनिधी फोडून सत्तेचा खो खोचा खेळ सुरू आहे. गोव्याच्या जनतेची फसवणूक सुरू आहे जे निवडून आले ते पक्ष बदल करत आहेत आणि ज्या पक्षात जाताहेत त्यांना लाज नाही असे म्हणत शिवसेनेचे खासदार संजय राऊत यांनी काँग्रेस आणि भाजपवर शरसंधान केले. 22-candidates-will-be-for-goa-assembly-elections-2022-shivsena-sanjay-raut-sml80

संजय राऊत म्हणाले त्या ठिकाणी पक्ष फोडले जातात आणि सत्ता हस्तगत केली जाते. महाराष्टात आम्ही पक्ष फोडले नाहीत तर आम्ही तीन पक्ष एकत्र आलो. गोव्यात पुढील निवडणुकीत आप, तृणमूल सारखे पक्ष निवडणूक लढवणार आहेत.

शिवसेनेची गोव्यात ताकत आहे. आम्ही २२ जागांवर ही निवडणुक लढवणार आहाेत. गोव्याचे सरकार रोज नवीन थापा मारत आहे असल्याचे राऊत यांनी म्हटलं. गोव्यात ड्रग्स आणि कॅसिनोचा हौदोस झाला आहे. कॅसिनोच्या विरुद्ध प्रचार करून भाजप सत्तेत आले. आता ते त्यांच समर्थन करत आहेत असेही खासदार संजय राऊत यांनी नमूद केले.

edited by : siddharth latkar