मुंबई - भाईंदर पोलीस ठाण्याच्या हद्दीतील दोन वर्षाच्या चिमुकलीची तोंड व गळा दाबून हत्या केल्याची घटना समोर आली आहे. या प्रकरणी आरोपी आदिल खान याच्याविरोधात गुन्हा दाखल करत आरोपीला अटक केली आहे. भाईंदर (Bhayander) पश्चिममधील मुर्धा गावमध्ये पूजा राहत असून, २०१५ मध्ये अमित वाघ यांच्याशी विवाह झाल्यानंतर त्यांना एका मुलीचा जन्म झाला. पुन्हा एकदा २०१९ मध्ये पूजा गर्भवती राहिली. (Navi Mumbai Crime News)

हे देखील पहा -

मात्र, पूजा यांचे वारंवार अमित यांच्यासोबत वाद होत असल्यामुळे पूजा यांनी अमित त्यांच्याशी घटस्फोट घातला. त्यानंतर आदिल खान नामक युवकाशी प्रेमसंबंध झाल्यानंतर आदिल सोबत आपला संसार थाटला. आदिल हा रिक्षाचालक असून पूजा कॅटरिंगचे काम करते. २ जानेवारी रोजी पूजा कामावर मिरारोड येथे गेली असता, आदिलचा फोन आला की चिमुकली पडली असून, तिच्या डोक्याला मार लागला आहे. पूजाने तत्काळ रिक्षा पकडून भाईंदर पश्चिमेच्या पंडित भीमसेन जोशी रुग्णालयात चिमुकलीला दाखल केले मात्र तोपर्यंत तिचा मृत्यू झाला होता.

पूजाच्या तक्रारीनंतर आकस्मित मृत्यूची नोंद करण्यात आली. पंडित भीमसेन जोशी रुग्णालयातून चिमुकलीचा वैद्यकीय अहवाल प्राप्त झाला. अहवालात चिमुकलीचे तोंड व गळा दाबून श्वास कोंडून तिचा मृत्यू झाल्याचे समोर आले. यावरून पोलिसांनी आदिल याची चौकशी केली असता त्याने गुन्ह्याची कबुली दिली.

Edited By - Shivani Tichkule