पुणे : पुणे (Pune) आणि पिंपरी चिंचवडमध्ये (Pimpri Chinchwad) गुन्हेगारीच्या घटना काही कमी होताना दिसून येत नाही. महिन्याभरामध्ये पुणे आणि पिंपरी चिंचवडमध्ये गोळीबाराच्या घटना चांगल्याच घडत आहेत. आता पिंपरी चिंचवडमध्ये एका १७ वर्षीय मुलाची गोळी झाडून हत्या करण्यात आली आहे. या घटनेमुळे परिसरात मोठ्या प्रमाणात खळबळ उडाली आहे.

पहा व्हिडिओ-

जुन्या मुंबई- पुणे महामार्गावर मध्यरात्री १२: ३० वाजेच्या सुमारास नॅशनल हॅवी कंपनीसमोर १७ वर्षीय मुलाची गोळी झाडून हत्या करण्यात आली आहे. मृतक मुलाचे नाव दशांत असल्याची माहिती मिळाली आहे. या प्रकरणी तळेगाव दाभाडे पोलिसांनी गुन्हा दाखल केला असून अधिक तपास तळेगाव पोलीस करत आहे.

मिळालेल्या प्राथमिक माहितीनुसार, मृतक मुलगा हा बुधवारी सायंकाळच्या सुमारास घरातून बाहेर पडला होता. मात्र, बराच वेळ झाला तरी तो घरी आला नाही अखेर त्याच्या कुटुंबियांनी पोलिसांत तक्रार दाखल करण्यात आली होती. त्यानंतर या मुलाचा मृतदेह नॅशनल हॅवी कंपनीसमोर आढळून आला आहे. त्याच्या डोक्याला गोळी लागल्याचेही दिसून आले आहे.

Edited By- Digambar Jadhav