मुंबई : १०० कोटी वसुली प्रकरणात सीबीआयकडून सचिन वाझे, संजीव पालांडे आणि कुंदन शिंदे यांना अटक करण्यात आली आहे. तिघांनाही मुंबई सत्र न्यायालयातील सीबीआय कोर्टात (CBI Court) हजर करण्यात आले. सीबीआय अधिकाऱ्यांरी या तिन्ही आरोपींना दिल्लीला नेण्याची शक्यता असल्याची सूत्रांची माहिती आहे.

सीबीआयकडून सचिन वाझे, संजीव पलांडे आणि कुंदन शिंदे (Sachin Waje, Sanjeev Palande and Kundan Shinde) यांची १० दिवसांची सीबीआय कस्टडी मागण्यात आली होती. या प्रकरणात मुंबई सत्र न्यायालयातील सीबीआय कोर्टात त्यांना ११ तारखेपर्यंत CBI कोठडी देण्यात आली आहे.

सीबीआयने या तिघांना शंभर कोटी वसुली प्रकरणात ही अटक केली आहे. तिघांनाही मुंबई सत्र न्यायालयातील सीबीआय कोर्टात हजर केले होते. मात्र अनिल देशमुख जेजे रुग्णालयात (JJ Hospital) भर्ती असल्याने त्यांची अटक टळली आहे.

मुंबई हायकोर्टाच्या (Mumbai High Court) आदेशा प्रमाणे सीबीआय ने गुन्हा दाखल केला होता. या गुन्ह्या प्रकरणात मोठा आर्थिक भ्रष्टाचार असल्याचं सीबीआयचा कोर्टात आरोप करण्यात आला आहे. तसंच या प्रकरणात सखोल चौकशी करायची गरज असल्याने आरोपीच्या रिमांडची मांगणी केली गेली आहे.

Edited By - Jagdish Patil