सांगली : महाविकास आघाडी Maha Vikas Aghadi सरकार मधील ओबीसी नेते हे काका पुतण्याच्या ताटाखालचे मांजर झाले आहेत आणि ओबीसी OBC नेत्यांचे माकड झाले आहे. या ओबीसी मंत्र्यांच्या शब्दाला कवडीची किंमत राहिली नाही, अशी जहरी टीका भाजप BJP आमदार गोपीचंद पडळकर Gopichand Padalkar यांनी केली आहे. ते सांगलीच्या झरे येथे बोलत होते. Gopichand Padalkar Criticism on OBC Leaders in Government

पडळकर म्हणाले, "ओबीसी समाजाला दगाफटका करणाऱ्या महाविकास आघाडीला देवेंद्र फडणवीस यांनी चोख उत्तर देत महाराष्ट्रामध्ये होणाऱ्या या निवडणुका मध्ये सर्व जागेवर ओबीसीचे उमेदवार उभे केले जातील असे जाहीर केले आहे. मी फडणवीस यांचा आभारी आहे. त्यांच्या पाठीमागे सर्व ओबीसी समाज राहील,'' 

जो पर्यंत ओबीसी राजकीय आरक्षण पुन्हा प्रस्थापित होत नाही, तोपर्यंत महाराष्ट्र मध्ये निवडणूक होणार नाहीत, अशी भीम गर्जना महाविकास आघाडीतील नेत्यांमी केल्यानंतर दुसऱ्या दिवशी या निवडणूक जाहीर झाल्या. या ओबीसी नेत्यांच्या शब्दाला मातीमोल किंमत आहे, हे पुन्हा एकदा सिद्ध झाले आहे,'' असेही पडळकर म्हणाले.

ओबीसी नेते मलिदा खाण्यासाठी सत्तेमध्ये आहेत का, त्यांनी आत्मसन्मान विकला आहे का? असा सवाल उपस्थित करत या सर्व प्रश्नावर महाराष्ट्र मधील ओबीसी समाज जागृत झाला आहे, येत्या 26 तारखेला ओबीसी समाज आपली ताकत दाखवत  या सरकारला जागा दाखवणार असल्याचे पडळकर यांनी सांगितले.

Edited By - Amit Golwalkar