- मनोज जयस्वाल

Washim News : वाशीमच्या मानोरा येथे भर दिवसा चार युवकांत वाद निर्माण झाला. त्याचे पर्यवसन हाणामारीत झाले. त्यातूनच दोघांनी अन्य दाेघांवर चाकू हल्ला केल्याची धक्कादायक घटना घडली. या घटनेत एका युवकाचा (youth) मृत्यू झाला असून दूसरा युवक गंभीर जखमी झाला आहे. (Maharashtra News)

ही घटना (washim) मानोरा (manora) शहरातील छत्रपती शिवाजी महाराज चौकात भर दुपारच्या सुमारस घडली. त्यामुळे मानोरा शहरात भीतीचे वातावरण निर्माण झाले होते. युवकांवर हल्ला होत असताना अनेक जण घटनास्थळी उपस्थित हाेते. हा हल्ला झाल्यावर बघ्यांची मोठी गर्दी चाैकात जमली. या घटनेची माहिती कळताच पाेलीस देखील घटनास्थळी पाेहचले.

या हल्ल्यात शिवा विलास उघडे (राहणार बेलोरा) याचा मृत्यू झाल्याची माहिती पाेलिसांकडून मिळाली. या घटनेत राहुल मनोहर चव्हाण (राहणार भुली) हा युवक गंभीर जखमी झाला आहे. त्याला उपचारार्थ अकाेला येथे पाठविल्याची माहिती पाेलिसांनी दिली. मनाेर पाेलिस घटनेचा कसून तपास करीत आहेत.

Edited By : Siddharth Latkar