Beed News : बीड (beed latest news) शहरालगत असणाऱ्या पाली येथील धरणात (dam) एका युवकाचा (youth) मृतदेह आढळला आहे. गेल्या तीन दिवसांपासून युवक बेपत्ता होता अशी माहिती उपलब्ध झाली आहे. केशव भिकाजी काशीद (रा. नेकनूर हल्ली मू बार्शी नाका, अशोकनगर, बीड) असे मृताचे नाव आहे.

पाली येथील धरणाच्या काठावर पँट, आधार कार्ड, घड्याळ व 75 रुपये ठेवून केशव हा गायब झाला होता. त्याचा आठ फेब्रुवारीपासून शोध लागलेला नव्हता. मात्र अखेर आज त्याचा मृतदेह पालीच्या धरणात नेकनूर ग्रामस्थांच्या (villagers) निदर्शनास आला.

मयत केशव काशीद हा मूळचा नेकनूर येथील आहे. ताे सध्या बीडमध्ये मामाकडे राहयला हाेता. सात फेब्रुवारीला मामा व त्यांचे कुटुंबीय हैदराबादला गेले होते. त्यानंतर केशव कोठे गेला ? त्याचे काय झाले ? याचे रहस्य कायम होते.

आठ फेब्रुवारीला पाली येथील तलावाच्या काठी त्याची पँट, त्यात आधार कार्ड, घड्याळ असे साहित्य पाटबंधारे विभागाच्या कर्मचाऱ्यांना आढळले होते. त्यानंतर आज नेकनूर ग्रामस्थांनी त्याचा शोध घेतला तेव्हा त्यांना केशवचा मृतदेह दिसून आला. दरम्यान या घटनेने परिसरात खळबळ उडाली आहे. याप्रकरणी बीड ग्रामीण पोलीस ठाण्यात मृत्यूची अकस्मात नोंद करण्यात आली आहे.

Edited By : Siddharth Latkar