परभणी: गंगाखेड शहरात (Gangakhed) सिनेस्टाईल प्रमाणे एका 25 वर्षीय युवकावर धारधार हत्याराने वार करून जीवे मारण्याचा प्रयत्न केल्याची घटना दुपारच्या सुमारास शहरातील डॉक्टर लाईन परिसरात घडली, विशाल कदम असे या 25 वर्षीय युवकाचे नाव आहे.

शिदेश्वर गीते नावाच्या युवकाने हा प्राणधातक हल्ला केला आहे. जखमी युवक हा शहरातील एका खाजगी रुग्णालयात कामाला होता, आणि त्याच रुग्णालयात हल्ला करणाऱ्या युवकाच्या लहान मुलीवर उपचार सुरू होते.

नेमका हा प्राणखातक हल्ला का केला गेला, हे स्पष्ट होऊ शकले नाही, मात्र गंगाखेड पोलिसांनी हल्लेखोराला सिने-स्टाईल ने ताब्यात घेतले आहे. जखमी युवकाची प्रकृती चिंताजनक असल्याने त्याला पुढील उपचारासाठी नांदेडला हलविण्यात आले आहे.

Edited By: Pravin Dhamale