परभणी : परभणीच्या पालम तालुक्यातील शेखराजूर गावातील एका 37 वर्षीय युवकाने गळफास लावून आत्महत्या केल्याची घटना आज सकाळी घडली आहे. नारायण किशनराव पवार असे या आत्महत्या केलेल्या युवकाचे नाव आहे.

हे देखील पहा :

शेख राजूर येथील अंध व मूकबधिर शाळेचे संचालक विठ्ठल संभाजी गुट्टे यांनी 2006 मध्ये मयताला शाळेवर सेवक म्हणून तर मयताच्या पत्नीला स्वयंपाकी म्हणून लावतो असे आमिष दाखवले होते. असे त्याने लिहलेल्या चिट्ठीत नमूद केले आहे.

या अमिषापोटी मयताने संस्था चालकाला जमीन दान केली होती. वारंवार मागणी करून देखील नोकरी मिळत नसल्याचे या युवकाने सुसाईड नोट लिहून आत्महत्या केली आहे. मयताच्या पत्नीच्या तक्रारी वरून संस्था चालकाच्या विरोधात गुन्हा दाखल करण्यात आला आहे.

Edited By : Krushnarav Sathe