माधव सावरगावे

औरंगाबाद : गावातील मुलीसोबत प्रेमविवाह केल्यानं एका तरुणाला विवस्त्र करून मारहाण केल्याची घटना औरंगाबाद Aurangabad जिल्ह्यातील खुलताबाद Khultabad तालुक्यातल्या तीसगाव तांडा येथे घडली आहे. Young man beaten for having love affair with a girl

हे देखील पहा-

याप्रकरणी खुलताबाद तालुक्यात केवळ NC दाखल करण्यात आली आहे. विवस्त्र करून जबर मारहाण करणाऱ्यांवर कठोर कारवाई करावी अशी मागणी नातेवाईकांनी केली आहे. किशोर साहेबराव चव्हाण असे त्या तरुणाचे नाव आहे. सहा महिन्यापूर्वी किशोर साहेबराव चव्हाण यांनी गावातील एका मुलीसोबत प्रेम विवाह केला होता. त्यानंतर तो गाव सोडून कन्नड Kannad येथे राहत होता.

दोन जुलै रोजी आईला भेटण्यासाठी तो गावात आला. त्यावेळेस गावातील मुलीच्या नातेवाईकांनी त्याला पकडून विवस्त्र केले आणि बेदम मारहाण केली. त्यात तो प्रचंड जखमी झाला आहे. मरणासन्न अवस्थेत त्याला गावाच्या बाहेर टाकून देण्यात आले, नातेवाईकांना कळल्यानंतर खुलताबाद येथे उपचासाठी दाखल करण्यात आले आहे.

उपचारानंतर तो परत कन्नड येथे गेला. विवस्त्र करून मारहाण करीत असल्याचा व्हिडिओ सोशल मीडियावर व्हायरल झाला होता. याप्रकरणी खुलताबाद पोलीसानी कोणत्याही आरोपीवर कारवाई सुद्धा केलेली नाही.

Edited By-Sanika Gade