संजय राठोड

यवतमाळ- सुरेखा मोहन मेंडके‌ वय ३५ यांनी राहत्या घरी दुपारच्या दरम्यान गळफास लावून आत्माहत्या केल्याची धक्कादायक घटना उघडकीस आली. सुरेखा मेंडके यांनी काँग्रेस कडून २०१६ मध्ये प्रभाग क्रमांक सहा मधून निवडणुक लढवली आणि त्यात विजयी झाल्या. तद्नंतर सुरूवातीला महिला व बालकल्याण उपसभापती म्हणुन काम करण्याची संधी मिळाली. नगरसेविका सुरेखा मेंडके या आर्णी येथील नारायणलीला ले आऊट मध्ये रहात होत्या. मात्र रविवारी दुपारच्या दरम्यान रहात्या घरी गळफास लावून आत्महत्या केल्याने राजकीय क्षेत्रात मोठी खळबळ उडाली आहे. आत्महत्येचे कारण अद्याप  कळाले नाही. पुढील तपास आर्णी पोलिस करीत आहे.

दरम्यान यवतमाळमध्ये बुधवारी दि.१० नोव्हेंबर च्या रात्री शिकाऊ डाॅक्टर अशोक पाल यांची शुल्लक कारणावरून हत्या केल्याची घटना वसंतराव नाईक शासकीय वैद्यकीय महाविद्यालयात घडली होती. तद्नंतर शिकाऊ विद्यार्थी आक्रमक पवित्रा घेत विविध मागण्यासाठी आंदोलन सुरू केलं होत. शनिवारी दुपारी दरम्यान घटनेतील तीन आरोपींना पोलीसांकडून अटक करण्यात आली. रात्री उशीरा डाॅ.दिलीप म्हैसेकर संचालक वैधकिय शिक्षण व संशोधन यांनी आंदोलक विद्यार्थ्यांची भेट घेऊन समजून काढत पुर्ण मागण्या सोडविण्याचे आश्वासन दिले. त्यानंतर आज रविवारी दुपारी दरम्यान आंदोलन मागे घेण्यात आले.

Edited By: Pravin Dhamale