संजय राठोड

यवतमाळ : नागपूर- तुळजापूर राष्ट्रीय महामार्गावर सकाळच्या सुमारास ट्रक आणि ट्रॅव्हल्सचा भीषण अपघात झाला. ट्रॅव्हल्सने ट्रेकला मागून धडक दिल्याने अपघात झाला. या भीषण अपघातात दोन जणांचा जागीच मृत्यू झाला. तर तर दोन जण गंभीर जखमी झाले आहेत. 

नागपूर- तुळजापूर राष्ट्रीय महामार्गावरील यवतमाळच्या आर्णी तालुक्यातील जवळाजवळील शेलु फाट्याजवळ हा अपघात (Accident) झाला आहे. महामार्गावर नांदेडवरून बिलासपूर ते छत्तीसगडला उडीद घेऊन जाणाऱ्या ट्रकचा समोरचा टायर पंक्चर झाला होता. यामुळे ट्रक रस्त्याच्या बाजूला उभी करण्यात आली होती. (Yavatmal) याच मार्गावरून नांदेड कडून यवतमाळमार्गे नागपूरला प्रवाशी घेऊन जाणाऱ्या ट्रॅव्हल्सच्या चालकाने उभ्या ट्रकला मागून धडक दिली. 

अंदाज न आल्याने धडक 

रस्त्यावर उभ्या ट्रकचा अंदाज न आल्याने ट्रॅव्हल्सची मागून धडक दिली. या अपघातात दोन जण जागीच ठार झाले. तर ट्रॅव्हल्समधील दोन जण गंभीर झाल्याची घटना घडली .कृष्णा उर्फ भगवान भुजंगा वाघमारे (वय २८, रा. पलसी लोहा जी. नांदेड) असे अपघातात मृत एकाचे नाव आहे. तर दुसऱ्या मृतकाची अजून ओळख पटली नाही.