संजय राठोड

यवतमाळ : 38 वर्षीय मामा 17 वर्षीय अल्पवयीन भाचीवर एक वर्षापासून अत्याचार करीत असल्याची घटना यवतमाळमध्ये उघडकीस आल्याने खळबळ उडाली आहे. प्रशांत जीवनदास जगताप असे विकृत आरोपीचे नाव असून तो चंद्रपूर जिल्ह्यातील राजुरा येथील रहिवासी आहे.

हे देखील पहा -

पीडित बालिकेच्या चुलत आत्याचा तो नवरा आहे. आरोपी गेल्या एक वर्षापासून राजुरा हे गाव सोडून कळमना येथे वास्तव्यास आपल्या पत्नीसह आला होता. तो पीडिताच्या घरी असलेल्या दोन खोल्या मध्ये राहत होता. नात्याने मामा असल्याने पीडिता त्याचे जवळ जायची याचाच फायदा या विकृतवृत्तीच्या नराधमाने उचलला.

घरी कुणी नसले की टीव्ही चा आवाज मोठा करून तो बलिकेवर अत्याचार करायचा व कुणाला काही सांगितले तर तुला व तुझ्या वडीलाला मारून टाकण्याची धमकी देत होता. अशी माहिती समोर आली आहे.

Edited By : Krushnarav Sathe