Yavatmal Girls Fight for Boyfriend : सोशल मीडियावर अनेकदा फ्री स्टाईल हाणामारीचे व्हिडीओ व्हायरल होत असतात, असाच एक जोरदार हाणामारीचा व्हिडीओ सध्या सोशल मीडियावर जोरदार व्हायरल होतं आहे. ज्यामध्ये दोन तरुणी एक बॉयफ्रेंडसाठी भांडत असल्याचं दिसत आहेत. या हाणामारीचा व्हिडिओ यवतमाळ येथील आहे. हा व्हिडिओ पाहून तुम्ही थक्क व्हाल.

एका बॉयफ्रेंडसाठी दोन तरुणींमध्ये तुफान राडा झाल्याची घटना यवतमाळच्या (Yavatmal) वणीतील शिवाजी पार्क लव्हर्स पॉईंट येथील आहे. बॉयफ्रेंडसाठी दोन तरुणींची तुफान हाणामारी झाली. याचा व्हिडीओ सोशल मीडियावर (Social Media) तुफान व्हायरल होत आहे.

एकाच तरुणाचं दोन तरुणींसोबत रिलेशनशिप सुरु होतं. मात्र काल (27 फेब्रुवारी)अचानक दोन्ही मुली आमनेसामने आल्या आणि सत्य समोर आलं आणि मग काय याच कारणावरुन दोन्ही तरुणींमध्ये वाद सुरु झाला त्यानंतर हा वाद इतका वाढला की या वादाचे रुपांतर हाणामारीत झाले. या हाणामारीचा व्हिडीओ (Viral Video) चांगलाच व्हायरल होत आहे.

व्हायरल व्हिडीओमध्ये या दोन्ही तरुणी कॉलेजमधील असल्याचं दिसून येत आहे. या तरुणींनी एकमेकींना केस उपटून, लाथाबुक्क्यांनी एकमेकींना बेदम मारहाण करत आहे. ही हाणामारी पाहण्यासाठी बघ्यांची चांगलीच गर्दीही जमली असून उपस्थितांनी याचा व्हिडीओ रेकॉर्ड केला.