Solapur : कामगार एकजूटीचा विजय असाे... हम सब एक है... हमसे जाे टकरायेगा मिट्टी मे मिल जायेगा अशा घाेषणा देत आज सोलापूर महानगरपालिका कामगार संघटना कृती समितीच्या वतीने पालिका आयुक्त हटाव या मागणीसाठी सोलापूर जिल्ह्याधिकारी कार्यालयावर मोर्चा (morcha) काढला. जिल्हाधिकारी कार्यालयावर माेर्चा येताच माेर्चेक-यांनी जाेरदार घाेषणाबाजी केली.

सोलापूर महानगरपालिकेतील आयुक्त पी शिवशंकर यांच्या मनमानी कारभार, बेकायदेशीरपणे गुगल कॅलेंडर, जि ओ टेक , वाय टेक प्रणाली कर्मचाऱ्यांना लागू करून कर्मचाऱ्यांना छळवाद सुरू ठेवल्याने अधिकारी पासून चतुर्थश्रेणीतील सर्व कामगार त्रस्त झाले आहेत.

कामगार नेते अशोक जानराव म्हणाले सोलापूर महापालिकेतील आयुक्त पी शिवशंकर यांच्या कामकाजामुळं नागरिकांना आणि कामगारांना मनस्ताप हाेत आहे. त्यांना परिपत्रकाचा अर्थ लावता येत नाही असं आश्चर्य जानराव यांनी व्यक्त केले. त्यामुळं शासनानं त्यांची बदली करावी अशी मागणी कामगारांची आहे. त्यामुळेच आम्ही आज संप पुकारला आहे असेही जानराव यांनी स्पष्ट केलं.

Edited By : Siddharth Latkar