कैलास चौधरी

उस्मानाबाद : एकल महिला संघटनेच्या (Ekal Mahila Sanghatna) वतीने जिल्हाधिकारी (Collector) कार्यालयावर ताट-वाटी आंदोलन (agitation) करण्यात आले. संघटनेच्या महिलांनी हातात फलक घेऊन जोरदार घोषणाबाजी करत आंदोलन केले. छत्रपती शिवाजी महाराज चौकातून (Chhatrapati Shivaji maharaj Chowk) आंदोलनाला सुरुवात करण्यात आली. यावेळी महिलांचे प्रश्न,वाढती महागाई या प्रमुख मागणी सह इतर मागण्याचे निवेदन जिल्हाधिकारी यांना देण्यात आले. अशी माहिती आंदोलक महिला कांता शिंदे यांनी दिली आहे. (Women's agitation in Osmanabad demanding reduction of inflation)

कोरोना विषाणूमुळे मागील दीड वर्षापासून सामान्य महिलांच्या हातातील काम निसटले आहे. महिलांना अनेक प्रश्नांना सामोरे जावे लागत असून हाताला काम नसल्यामुळे आर्थिक परिस्थिती बिकट झाले आहे. तसेच वाढती महागाईमुळे गरजा भागवणे मुश्कील झाले असून दैनंदिन आवश्यक वस्तू वरील महागाई कमी करावी शहरातील घरेलू कामगार महिलांची नोंदणी करण्यात यावी, अशी देखील मागणी निवेदन द्वारे करण्यात आली.

Edited By- Anuradha