नागपूर - सध्या राज्यात अनेक भागांमध्ये थंडीचा कडाका वाढला आहे. अशात थंडीपासून बचाव करण्यासाठी अनेक लोक शेकोटीचा आधार घेतात. थंडीमुळे ठीक ठिकाणी शेकोट्या पेटवल्या जात आहेत. मात्र, याच शेकोटीने एकाचा जीव घेतला आहे. ही धक्कादायक घटना नागपुरमध्ये (Nagpur) घडली आहे.

नागपुरतं कडाक्याची थंडी असल्याने एका महिलेनं आपल्या अंथरुणाजवळ शेकोटी पेटविली होती. मात्र, अंथरुणातून उठताना चक्कर आल्याने ही महिला शेकोटीवर पडली. यावेळी शेकोटीतील जाळामुळे या महिलेच्या कपड्यांनी पेट घेतला. या घटनेत त्यांचा चेहरा आणि छाती जळाली. उपचारासाठी त्यांना रुग्णालयात दाखल करण्यात आलं.(Nagpur News)

मात्र, डॉक्टरांनी त्यांना मृत घोषित केलं. या प्रकरणी जरीपटका पोलीस स्टेशन मध्ये अकस्मात मृत्यूची नोंद निमा यादव असं या घटनेत मृत्यू झालेल्या महिलेचं नाव आहे. मात्र, या धक्कादायक घटनेनंतर हिवाळ्यात शेकोटी पेटवून त्याजवळ बसणाऱ्या व्यक्तींनी सावध राहण्याची गरज आहे.

Edited By - Shivani Tichkule