- सागर निकवाडे

Nandurbar News : नंदूरबार जिल्ह्यातील धडगाव शहरात एका मनोरुग्ण आदिवासी महिलेचा खून झाल्याची घटना समाेर आली आहे. यामुळे या परिसरात एकच खळबळ उडाली आहे. दरम्यान महिलेवर अत्याचार करुन नंतर तिचा नराधमाने खून केल्याची चर्चा शहरात आहे. या घटनेचा पाेलिस कसून तपास करीत आहेत. (Maharashtra News)

मणिपूर राज्यात महिलांसोबत घडलेल्या घटनेनंतर देशासह राज्यात तीव्र पडसाद उमटताना दिसत आहे. याच घटनेचा निषेध करण्यासाठी नंदूरबार जिल्ह्यातील आदिवासी समुदायाचा वतीने आज (बुधवार) नंदूरबार जिल्हा बंदची हाक देण्यात आली. त्यास 100 टक्के प्रतिसाद मिळाला असतानाच एक मन सुन्न करणारी घटना नंदूरबार जिल्ह्यात घडली.

धडगाव शहरातील मुख्य बाजारात एका महिलेचा मृतदेह आढळून आला आहे. ही महिला मनाेरुग्ण असल्याचे समजते. तिच्यावर अत्याचार करुन तिचा खून झाल्याची प्राथमिक माहिती मिळत आहेत.

दरम्यान मृत महिलेचा (women) मृतदेह धडगाव ग्रामीण रुग्णालय शवविच्छेदनासाठी पाठविण्यात आला आहे. त्याचा अहवाल आल्यानंतर घटनेची स्पष्टता हाेईल. धडगाव पोलिस संशयितांचा तपास करीत आहेत.

Edited By : Siddharth Latkar