नांदेड : नांदेडमध्ये एका तरुणाच्या छेडछाडीला कंटाळून तरुणीने गळफास घेऊन आत्महत्या केल्याची धक्कादायक प्रकार समोर आला आहे. मुदखेड तालुक्यातील रोहिपिंपळगाव येथील घटनेने संतापाची लाट उसळली आहे.

उद्धव शिंदे असं छेडछाड करणाऱ्या तरुणाचं नाव आहे. मिळालेल्या माहितीनुसार उद्धव मृत तरुणीला रस्त्यावरुन येता-जाता छेडत असे, अश्लील चाळे करत असत. तरुणीने याबाबत कुटुंबियांना देखील सांगितलं होतं. (Latest Marathi News)

मात्र छेडछाडीचा प्रकार थांबला नसल्याने सततच्या या त्रासाला कंटाळून तरुणीने टोकाचं पाऊल उचललं. तिने अखेर गळफास लावून आत्महत्या केली. या प्रकरणी तरुणीच्या वडिलांनी दिलेल्या तक्रारीवरून उद्धव शिंदे विरोधात मुदखेड पोलिस ठाण्यात गुन्हा दाखल करण्यात आला आहे.