- माेबीन खान

Shirdi Sai Sansthan : शिर्डी येथील साई मंदिरात हार- फुले (flowers) आणि प्रसाद नेण्यास बंदी असल्याने ही बंदी उठवावी अशी मागणी आता जोर धरू लागली आहे. कोपरगाव येथील सामाजिक कार्यकर्ते संजय काळे साई समाधीवर फुले वाहून आज गांधिगिरी मार्गाने आंदोलन करणार आहेत.

साईबाबा संस्थान (shirdi sansthan) प्रशासनाने काळे यांना आंदोलन करण्यास मज्जाव केला असुन तसे पत्र देखील दिले आहे. त्यामुळे काळे यांना मंदिरात प्रवेश दिला जातो का हे पाहणे महत्वाच ठरणार आहे.

संजय काळे आपल्या आंदोलनावर ‌ठाम असुन कोपरगाव येथील त्यांच्या निवासस्थानापासुन शिर्डी असे 15 किलोमीटर ते पदयात्रा करत आहेत. दुसरीकडे आज साईबाबा संस्थान विश्वस्त मंडळाची बैठक असल्याने यात बंदीचा निर्णय मागे घेतला जातो का याकडे शेतकरी, व्यवसायिक आणि त्यावर अवलंबुन असणारे मजूरांचे लक्ष लागलं आहे.

Edited By : Siddharth Latkar