ठाकरेसेनेतील 6 खासदारांच्या बंडानंतर 'ऑपरेशन टायगर' यशस्वी झालयं... 4 वर्षांनंतर दुसऱ्या फुटीमुळे ठाकरेसेनेत अस्वस्थता आणखीनच वाढलीय....6 बंडखोर खासदार शिंदेसेनेत पक्षप्रवेश करणार असल्याचं जवळपास निश्चित झालाय...मात्र आता ऑपरेशन टायगर आमदार फोडण्यासाठी राबवलं जाणार असल्याची चर्चा सुरू झालीय. ठाकरेसेनेचे 14 आमदारही लवकर शिंदेसेनेत प्रवेश करतील, असा मोठा दावा शिंदेसेनेचे आमदार संतोष बांगरांनी केलाय.. तर आमदार आणि नगरसेवकांमध्ये खदखद असल्याचं मंत्री शंभुराज देसाई म्हणालेत...

शिवसेनेच्या 60 वर्षांच्या इतिहासात अनेकवेळा बंड झाले. त्याचा फटका मोठ्या प्रमाणात शिवसेनेला सहन करावा लागलाय. शिवसेना सोडून बंडखोरी करणारा पुन्हा निवडून येत नव्हता, हा इतिहास खरा आहे. मात्र निवडणुकीत पराभवाला सामोरे गेल्यानंतरही काही जण राजकारणात पुन्हा यशस्वी झालेत. तर काहींना मोठं अपयश पचवावं लागलयं...विशेष म्हणजे शिवसेनेच्या 60 वर्षांच्या इतिहासात 2022 साली एकनाथ शिंदेंच्या नेतृत्त्वात झालेली फुट सर्वात मोठी होती... मात्र या फुटीनंतर शिवसेनेच्या दोन्ही गटांनी आपलं राजकीय अस्तित्व कसं टिकवलं... पाहूयात...

शिंदेसेनेसोबत गेलेल्या 12 खासदारापैकी सहा जण 2024 च्या लोकसभा निवडणुकीत निवडून आले... तसचं शिंदेसेनेत आलेल्या 40 आमदारांची संख्या 2024 च्या निवडणुकीत वाढून 56 वर पोहचली....

याउलट ठाकरेसेनेकडे राहिलेल्या 6 खासदारांची संख्या वाढून 2024 च्या लोकसभा निवडणुकीत 9 झाली...तर शिंदेंच्या बंडानंतर ठाकरेसेनेत 16 आमदारच शिल्लक होते... मात्र 2024 च्या विधानसभा निवडणुकीत ठाकरेसेनेची आमदारसंख्या 20 वर पोहचली...

त्यामुळे ठाकरेसेनेत असणाऱ्या 20 आमदारांपैकी 14 आमदार भविष्यात फुटल्यास ठाकरेंसाठी हा मोठा धक्का असेल...याआधी मंत्री उदय सामंतांनी स्वत: ठाकरेंचे आमदार आपल्या संपर्कात असल्याचं सांगितलं होतं... त्यामुळे खासदारांच्या ऑपरेशनची जबाबदारी जशी डॉ. श्रीकांत शिंदेंकडे देण्यात आली... तशीच आमदारांच्या फुटीची जबाबादारी मंत्री उदय सामंतांकडे दिली जाणार का? उद्धव ठाकरे आमदारांची ही संभाव्य फुट नेमकी कशी रोखणार? हे पाहणं महत्त्वाचं आहे...