- तबरेज शेख

Nashik News : नाशिक शहरातील सातपूर परिसरात असलेल्या विधाते गल्लीत एका महिलेचा गळा चिरून खून करण्यात आला आहे. या प्रकरणी पाेलिसांनी महिलेच्या पतीसह दहा ते बारा जणांना ताब्यात घेतले आहे. (Maharashtra News)

नाशकातील (nashik) विधाते गल्लीत राहत्या घरात अशोक्तीबाई बैग यांचा गळा चिरून हत्या करण्यात आली. त्या मूळच्या मध्यप्रदेश येथील असल्याची माहिती मिळाली आहे. या घटनेची माहिती कळताच परिसर हादरुन गेला. पाेलिसांना घटनेची माहिती समजताच नाशिक शहराचे पोलीस उपायुक्त चंद्रकांत खांडवी तसेच सातपूर पोलीसांनी घटनास्थळी धाव घेतली.

पोलिसांनी घटनास्थळाचा पंचनामा केला. तसेच पाेलिसांनी याप्रकरणी महिलेच्या पतीसह 10 ते 12 संशयितांना ताब्यात घेतले आहे. या महिलेच्या पश्चात एक मुलगा, एक मुलगी असून महिलेचा पती एका कारखान्यात कामाला असल्याची माहिती मिळाली आहे. या घटनेमुळे परिसरात भीतीचे वातावरण निर्माण झाले.

Edited By : Siddharth Latkar