Chhatrapati Sambhajinagar : छत्रपती संभाजीनगर जिल्ह्यातून एक धक्कादायक घटना समोर आली आहे. शेताच्या हिस्स्यासाठी पत्नीनेच पतीची हत्या केल्याचा प्रकार उघड झाला आहे. पत्नीने पतीची विहिरीत ढकलून हत्या केल्याचं समोर आलं आहे.

पतीने आत्महत्या केल्याचा बनाव पत्नीने रचला होता. मात्र पोलिसांना पत्नीवर संशय आल्याने पोलिसांना सखोल तपास केला. पोलिसांनी आपला खाक्या दाखवल्यानंतर शेतीच्या वाटणीवरून पतीला संपवल्याचं पत्नीने कबूल केलं आहे. (Crime News)

वैजापूर तालुक्यातील हिलालपूर शिवारातील आत्महत्या प्रकरणाला नवीन वळण मिळालं आहे. शेत जमिनीच्या वाटणीसाठी दुसऱ्या पत्नीनेच विहिरीत ढकलून पतीचा खून केल्याची बाब तपासात समोर आली आहे. शिऊर पोलिसांनी अवघ्या 72 तासात या हत्येचा छडा लावला आहे.  (Maharashtra News)

सुदाम राजू झिंजुर्डे असे हत्या झालेल्या व्यक्तीचे नाव आहे. तर कमलाबाई सुदाम झिंजुर्डे असे आरोपी महिलेचे नाव आहे. पत्नीनेच हत्या केल्याची माहिती समोर आल्यानंतर गावात एकच खळबळ उडाली आहे. या प्रकरणी शिऊर पोलीस ठाण्यात हत्येचा गुन्हा दाखल करण्यात आला आहे. जमिनीच्या वाटणीसाठी पत्नीने पतीलाच संपवलं (Latest Marathi News)