पत्नीनं आपल्या प्रियकरासाठी थेट पतीला आयुष्यातून उठवण्याचा भयानक कट रचला...यवतमाळच्या कळंब तालुक्यातल्या पंगडी गावात गजानन मोरे आणि कवडी मोरे या नवरा-बायकोच्या आयुष्यात विष्णू आत्रामची एण्ट्री झाली. विष्णू आणि कवडीनं गजाननचा काटा काढायचं ठरवलं, गजानन मोरे आपल्या घरात गाढ झोपेत असताना कवडी मोरेनं प्रियकर विष्णू आत्राम यांच्या सांगण्यावरून रात्री 2 वाजता विजेच्या वायरला अॅल्युमिनियमची तार जोडली आणि झोपलेल्या गजानन मोरे याला विजेचा शॉक दिला.

अंगातून विजेचा प्रवाह जाताच गजानन यांना मोठा झटका बसला. सुदैवाने, या प्राणघातक हल्ल्यातून ते बचावले. मात्र, या धक्कादायक प्रकारामुळे संपूर्ण परिसर हादरून गेला. पत्नीने जीवे मारण्याचा प्रयत्न केल्याचं लक्षात येताच पोलिसांत तक्रार दिली. या दोघांना अटक करण्यात आलीय.

गजानन यांना आपल्या पत्नीच्या आणि विष्णू आत्रामच्या विवाहबाह्य संबंधांची कुणकुण लागली होती. त्यांनी वारंवार यावर आक्षेप घेतला होता, घरात वादावादीही झाली होती. पण हा वाद थेट जीवावर बेतेल, असं गजानन मोरेंना स्वप्नातही वाटलं नव्हतं... अनैतिक संबंधांच्या हव्यासापोटी संसाराची राखरांगोळी करण्याआधी एकदा आपल्या जोडीदाराचा जरूर विचार करा...अन्यथा कोणाच्या तरी सांगण्यावरून केलेली एक चूक तुम्हाला उद्ध्वस्त उद्धवस्त करायला पुरेशी आहे.