सातारा : राज्यातील धार्मिक स्थळांवर आज सकाळपासून सामान्य जनतेपासून नेते मंडळींची आपल्या लाडक्या भगवंताच्या दर्शनासाठी रीघ लागलेली आहे. मुख्यमंत्री उद्धव ठाकरे यांनी देखील सहकुटुंब मुंबा देवीचं दर्शन घेतले. यावेळी मुख्यमंत्र्यांनी काेविड मार्गदर्शक तत्वांचे पालन करावे असे म्हटलं. त्यावर निलेश राणे यांनी मुख्यमंत्री ठाकरे यांच्यावर टीका केली आहे. त्यांनी जनतेला भीती दाखवू नये असेही म्हटलं आहे. why-shivsena-is-conducting-dasra-melava-in-corona-pandemic-nilesh-rane-uddhav-thackeray-sml80

निलेश राणे यांनी केलेल्या ट्विटमध्ये ते म्हणतात मुख्यमंत्र्यांनी सहकुटुंब मुंबादेवी मंदिरात जाऊन दर्शन घेतलं. जनतेने कोरोना नियमांचं पालन करावं अशी प्रार्थना केली पण शिवसेना दसरा मेळावा घेणार. पहिले मुख्यमंत्री असतील की जे बोलतात ते त्यांचा पक्षच पाळत नाही. कोरोनाची भीती दाखवणं कमी करा आणि जनतेला जे गरजेचे आहे ते द्या.

स्वतःच्या पक्षाचा दसरा मेळावा जवळ आला म्हणून आता जनतेच्या डोळ्यात धूळ फेकण्यासाठी, कुठे काही तरी चालू केले आहे असे दाखवतील, परंतु यांचं ध्येय वेगळंच आहे. जनता आता वेडी नाही आहे. तुम्ही दसरा मेळावा घ्या, मग आम्ही पण कोरोना नियम पाळतो बघा अशी प्रतिक्रिया राणेंच्या ट्विटवर एकाने नमूद केली आहे.

दरम्यान ११ ऑक्टोबरला महाविकास आघाडीने महाराष्ट्र बंद पुकारला आहे. लाज वाटली पाहिजे या पक्षांना, जनता कोरोना व आर्थिक संकटामुळे अडचणीत आहे, व्यापारी व उद्योगधंदे पूर्णपणे विस्कटले आहेत, राज्यात बेरोजगारी वाढली, त्यात उत्तर प्रदेश येथे जे घडलं ते खरं की खोटं हे सुद्धा माहीत नाही, मग हा बंद कशासाठी? असा प्रश्न राणेंनी उपस्थित केला आहे.

edited by : siddharth latkar