मुंबई : मनसे अध्यक्ष राज ठाकरे (Raj Thackeray) जननायक आहेत की खलनायक आहेत हे कळेल. महाराष्ट्रात दंगे भडकवण्याचा प्रयत्न केला जात आहे. राज ठाकरे यांच्या अशा सभांनी जातीय तेढ निर्माण होऊ शकतो असं वक्तव्य काँग्रेस नेते संजय निरुपम (Sanjay Nirupam) यांनी केलं आहे.

ते म्हणाले, 'मशिदीवरून स्पीकर काढण्याची धमकी राज ठाकरे देत आहेत याचा आम्ही निषेध करत आहोत. मशिदीवरील स्पीकरचा आवाज सुप्रीम कोर्टाच्या (Supreme Court) नियमानुसार असावे याचे पालन केले जाईल. सर्व धर्माला पालन करण्याचा अधिकार आहेत असही ते म्हणाले.

हे देखील पहा -

२०१४ मध्ये राज ठाकरे यांनी नरेंद्र मोदी पंतप्रधान व्हावे असे वाटले होते. २०१९ ला काँग्रेसच्या विजयासाठी राज ठाकरे यांनी सभा घेतल्या होत्या २०२२ ला राज ठाकरे आता मोदी चे गुणगान गात आहेत. भाजपला हिंदुत्व भूमिका घेतील आणि आपला फायदा होईल असे वाटत असावे तर त्यांचा तो भ्रम आहे. राज ठाकरे यांनी उत्तर भारतीयांना मारहाण केली त्यांची पहिला माफी मागावी असंही निरुपम यावेळी म्हणाले.

Edited By - Jagdish Patil