- विनायक वंजारे

MLA Vaibhav Naik : शिवसेना पक्षप्रमुख उद्धव ठाकरे (uddhav thackeray) यांच्यावर आज (मंगळवार) आमदार नितेश राणेंनी खालच्या भाषेत टीका केली. राणेंची पत्रकार परिषद झाल्यानंतर उद्धव बाळासाहेब ठाकरे शिवसेना गटाचे आमदार वैभव नाईक (vaibhav naik) यांनी राणेंच्या वक्तव्यांवर तीव्र नाराजी व्यक्त केली. तसेच राणेंच्या या वक्तव्यांच्या विराेधात त्यांच्यावर पाेलीस ठाण्यात तक्रार करणार असल्याचे आमदार नाईक यांनी नमूद केले. (vaibhav naik latest marathi news)

आमदार नाईक म्हणाले महाराष्ट्राच्या माजी मुख्यमंत्र्यावर अशा प्रकारे नितेश राणे टीका करत असतील तर महाराष्ट्र सरकार काय कारवाई करणार आहे का ? हा सरकारला आमचा सवाल आहे. पण निश्चितच या वक्तव्याबद्दल आम्ही पोलीस स्टेशनला तक्रार दाखल करू असेही नाईक यांनी स्पष्ट केले. (Maharashtra News)

नाईक म्हणाले एका सर्वोच्च नेत्याबद्दल अशा पद्धतीने बोललेलं मुख्यमंत्री आणि उपमुख्यमंत्री यांना पटतं का ? नारायण राणे आणि त्यांचे पुत्र नितेश राणे हे सातत्याने उद्धव ठाकरेंवर बोलत असतील तर त्यांच्यावर कारवाई झालीच पाहिजे. अन्यथा पुढील काळात आम्हांला रस्त्यावरची लढाई करावी लागेल असा थेट इशारा अमदार वैभव नाईक यांनी दिला आहे. (Breaking Marathi News)

असं म्हणाले हाेते राणे

उद्धव ठाकरे यांच्यात बाळासाहेबांचे काेणतेच गुण नाहीत. ते कधीही थेट बाेलत नाहीत. त्यांच्यात रग नाही, हिम्मत नाही, नपुंसक आहेत. निवडणुक आयाेगनं त्यांच्या पक्षाला चिन्हं म्हणून आइस्क्रीमचा कोन दिला आहे. हे चिन्हं आदित्य ठाकरेंना पाहून दिल्याची खाेचक टीका आमदार नितेश राणेंनी केली हाेती.

Edited By : Siddharth Latkar