- शुभम देशमुख

Bhandara News : पावसाळ्यात तुमसर शहरात टँकरने पाणपुरवठा करण्याची वेळ येऊन ठेपली आहे. शहरांतील पाणी पुरवठा योजना ठप्प झाल्याने नागरिकांवर टॅंकरने पाणी भरण्याची वेळ आली आहे. (Maharashtra News)

भंडारा जिल्ह्यात पावसाने पाठ फिरविली असुन शेती सह पिण्याच्या पाण्याची समस्या भेडसावत आहे. तुमसर शहरात पावसाळ्यात सुद्धा नागरिकांना टँकरद्वारे पाणीपुरवठा करण्यात येत आहे. मागील चार वर्षाआधी 47 कोटींची पाणीपुरवठा योजना तुमसर शहरात सुरू करण्यात आली मात्र अद्याप ही सत्तेचाळीस करोड रुपयाची पाणीपुरवठा योजना भंगार अवस्थेत राहिली असल्याचे दिसून येते.

या याेजनेतील केवळ जलवाहिनी टाकण्याचे काम करण्यात आले आहे. परंतु अद्याप शहरातील नागरिकांच्या घरापर्यंत त्यातून पाणी पोहोचले नाही. कुठेतरी या पाणीपुरवठा योजनेची सखोल चौकशी करून नागरिकांना टँकरद्वारे पाणी जे दिला जात आहे त्यातून मुक्तता करण्यात यावी अशी मागणी सामाजिक कार्यकर्ते विक्रम लांजेवार यांनी केली आहे.

Edited By : Siddharth Latkar