मनोज जैसवाल

वाशिम : नागपूरवरून कोल्हापूरसाठी निघालेल्या समृद्धी महामार्गावर (Samruddhi Highway) कार चालकाला डूलकी लागली. यात कारचा अपघात (Accident) झाल्याची घटना वाशिम जिल्ह्यातील कारंजा तालुक्याच्या १६९ हद्दीत घडला आहे. यात कारमधील तीन जण जखमी झाले आहेत. (Maharashtra News)

समृद्धी महामार्गावरून कोल्‍हापूरकडे जात असताना सदर अपघात झाला. या अपघाताची माहिती मिळतात तात्काळ लोकेशन समृद्धी हायवे १०८ पायलट आशिष चव्हाण, डॉ.गणेश हे घटनास्थळी जाऊन जखमी रुग्णांना उपजिल्हा रुग्णालय कारंजा येथे आणले. तेथील वैद्यकीय अधिकारी डॉ. आफिफा, सिस्टर मनवर कक्षा सेवक सचिन हनवंते श्री गुरु मंदिर रुग्णवाहिकेचे रुग्णसेवक रमेश देशमुख मास्को सिक्युरिटी सागर खंडारे व (Samruddhi Mahamarg) समृद्धी रुग्णवाहिकेचे रुग्णसेवक अजय घोडेस्वार यांनी मदत केली.

वेगात असल्‍याने कार चार वेळेस पलटी

कारचा वेग अधिक असल्‍याने या अपघातात कारने तीन ते चार पलट्या खाऊन रोडच्या दुसऱ्या बाजूला गेली. यात प्रमिला विश्वकर्मा (वय ३७), उमाशंकर विश्वकर्मा (वय ४५) व सत्यम विश्वकर्मा (वय २२) सर्व रा. कोल्हापूर हे तीन जण जखमी झाले आहेत.