मनोज जयस्वाल

वाशिम : मागील तीन महिन्यांपासून टोल कामगारांचे वेतन देण्यात आलेले नाही. वेतन थकल्यामुळे समृद्धी महामार्गवरील (Washim) वाशिमच्या कारंजा येथील टोल प्लाझावरील कामगारांनी मनसेच्या (MNS) नेतृत्त्वात रात्रीपासून कामबंद आंदोलन पुकारले आहे. यामुळे टोल बुडत आहे. (Live Marathi News)

समृद्धी महामार्गावर (Samruddhi Mahamarg) अनेक ठिकाणी टोल प्लाझा उभारण्यात आले आहेत. या टोल प्लाझावर (Toll Plaza) कंत्राटी पद्धतीने कर्मचाऱ्यांची नियुक्ती करण्यात आली आहे. मात्र कारंजा येथील टोल प्लाझावर असलेल्या टोल कामगारांचे वेतन तीन महिन्यापासून थकले आहे. वेतन मिळण्याबाबत अनेकदा मागणी करून देखील हक्काचा पगार वेळेत मिळत नसल्यामुळे कामगारांवर कुटुंबाचा उदरनिर्वाहचा प्रश्न निर्माण झाला होता. यामुळे या कामगारांनी आंदोलनाचे हत्यार उपसले आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

कारंजा येथील टोल कामगारांच्या आंदोलनात सहभागी होत मनसेचे वाशिम जिल्हा अध्यक्ष राजू किडसे यांच्या नेतृत्वात हे आंदोलन पुकारण्यात करण्यात आले. यावेळी मनसेसह टोल कामगार सहभागी झाले होते. रात्रीपासून कामबंद करत आज सकाळी या कामगारांनी घोषणाबाजी केली.