मनोज जयस्वाल 

वाशिम : महाराष्ट्र राज्य अंगणवाडी कर्मचारी युनियन आयटक संघटनेच्यावतीने वाशिमच्या जिल्हा परिषद कार्यालयासमोर आपल्या मागण्यांसाठी मागील ५२ दिवसांपासून सुरू असलेल्या आंदोलनाच्या पार्श्वभूमीवर शासनाचा निषेध व्यक्त करत ठिय्या आंदोलन केले. (Latest Marathi News)

अंगणवाडी कर्मचारी आपल्या मागण्यांसाठी मागील ४ डिसेंबरपासून बेमुदत संपावर गेल्या आहेत. त्यांच्या संपाला आज ५२ दिवस झाले आहेत. मागण्यांबाबत वारंवार चर्चा होऊन देखील कोणताही तोडगा अद्याप निघालेला नाही. यामुळे अंगणवाडी कर्मचारी आंदोलनावर ठाम आहेत. जोपर्यंत सरकार मागण्यांबाबत कोणताही तोडगा काढत नाही; तोपर्यंत संप मिटणार नसल्याची भूमिका कर्मचाऱ्यांची आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सरकारविरोधात घोषणाबाजी 

वाशीम येथे आज अंगणवाडी कर्मचाऱ्यांकडून मागण्यासाठी जिल्हा परिषदेसमोर आंदोलन करण्यात आले. यावेळी महाराष्ट्र राज्य अंगणवाडी कर्मचारी संघटनेच्या महिला या आंदोलनात मोठ्या संख्येने सहभागी झाल्या होत्या. मागण्यांबाबत निर्णय घेत नसल्याने सरकार विरोधात यावेळी जोरदार घोषणाबाजी करण्यात आली.