वाशिम: वाशिममध्ये विहिरीत एका 8 वर्षीय मुलाचा मृतदेह आढळून आल्याची घटना घडली होती. त्यानंतर सोमवारी सकाळी त्याच विहिरीत बापाचा मृतदेह आढळून आल्याने एकच खळबळ उडाली. जिल्ह्यातील शेलू बाजार परिसरात ही घडली आहे. या घटनेने परिसरात हळहळ व्यक्त होत आहे.

रविवारी सायंकाळी महेश कालापाड या 8 वर्षीय मुलाचा मृतदेह आढळला होता. तर सोमवारी सकाळी त्याच विहिरीत वडील महादेव कालापाड यांचा मृतदेह आढळल्याने परिसरात एकच खळबळ उडाली. या घटनेची माहिती मिळताच गावकरी तसेच रोसयोची टीम घटनास्थळी पोहोचली. त्यांच्या मदतीने मृतदेह विहिरीबाहेर काढण्यात येणार आहे.

वाशिम (Washim) जिल्ह्यातील शेलू बाजार परिसरात मृतक मुलगा महेश आणि वडील महादेव कालापाड हे शेंदुर्जना मोरे येथील रहिवाशी आहेत.विहिरीत दोन मृतदेह आढळल्याने गावात हळहळ व्यक्त केली जात आहे. काल 8 वर्षीय महेश आणि आज वडील महादेव यांचा मृतदेह विहिरीत मिळाल्याने घरगुती वादातून आत्महत्या की घातपात याचा शोध सध्या पोलीस घेत आहेत. दरम्यान, याचा पुढील तपास मंगरुळपीर पोलीस करीत आहेत.

Edited By - Nupur Uppal