चेतन व्यास

वर्धा : तळेगाव श्यामजीपंत येथील सिकलकरी बेड्यावर स्थानिक गुन्हे शाखेच्या पोलिसांनी कोंबिंग ऑपरेशन राबविले. या दरम्‍यान बादलसिंग सोनासिंग बावरी याच्या घरातून १९ धारदार शस्त्र जप्त केले. ही कारवाई पोलीस (Police) निरीक्षक संजय गायकवाड यांच्या मार्गदर्शनात करण्यात आली. (Letest Marathi News)

स्थानिक गुन्हे शाखेचे पोलीस बेडा (Wardha) परिसरात सर्च ऑपरेशन करीत असताना त्यांना आरोपी बादसिंग बावरी याच्याघरी शस्त्रसाठा असल्याची माहिती मिळाली. त्यानुसार पोलिसांनी त्याच्या निवास स्थानाकडे धाव घेतली असता पोलिसांना पाहून आरोपी बादलसिंग याने पळ काढला. पोलिसांनी छापा मारुन त्याच्या निवासस्थानी तपासणी केली असता एका पिशवीत मोठा सत्तूर, १७ नग गुप्त्या असे अवैधरित्या विक्री करण्याच्या उद्देशाने ठेवून असलेल्याचे दिसले. पोलिसांनी २ हजार ८५० रुपयांचे हत्यार जप्त करुन बादलसिंग याच्याविरुद्ध गुन्हा दाखल केला.