योगेश काशिद, साम टीव्ही

बीडमधून मोठी बातमी हाती आली आहे. बीडमधील संतोष देशमुख प्रकरणातील आरोपी वाल्मिक कराडची प्रकृती बिघडली आहे. कराडला शनिवारी दुपारी अचानक अस्वस्थ वाटू लागले. त्यानंतर जिल्हा रुग्णालयातील डॉक्टरांकडून त्याची तपासणी करण्यात आली. डॉक्टरांनी आरोपी वाल्मिक कराडला रक्त चाचण्या करण्याचा सल्ला दिला आहे. कराडच्या रक्त चाचणीचा अहवाल आल्यानंतर त्याच्यावर पुढील उपचार होणार आहेत.

मिळालेल्या माहितीनुसार, संतोष देशमुख प्रकरणातील मुख्य सूत्रधार वाल्मिक कराड सध्या बीडच्या जिल्हा कारागृहात आहे. याच कराडची आज दुपारी प्रकृती बिघडली. त्याला अस्वस्थ वाटू लागल्याने बीड जिल्हा रुग्णालयातील डॉक्टरांनी वैद्यकीय तपासण्या करण्यात आल्या. कराडला अस्वस्थ वाटू लागल्याने त्याच्यावर प्राथमिक उपचार करण्यात आले आहेत. त्याचबरोबर त्याच्या काही वैद्यकीय तपासण्या केल्या आहेत. रक्ताचा अहवाल आल्यानंतर त्याला पुढील उपचार करण्यात देण्यात येणार असल्याचे वैद्यकीय अधिकाऱ्यांकडून सांगण्यात आले आहे.

बीडमध्ये आणखी एक पोलीस निलंबित

बीडमध्ये जिल्हा कारागृहातील महिला पोलीस कर्मचाऱ्यासह वरिष्ठ तुरुंग अधिकाऱ्याला निलंबित करण्यात आलं आहे. आरोपी वाल्मिक कराड असलेल्या जिल्हा कारागृहातील वरिष्ठ पोलीस अधिकाऱ्याला निलंबित करण्यात आलं आहे. दक्षता पथकाच्या तपासणीदरम्यान गैरप्रकार आढळला होता. या अहवालानंतर आज शनिवारीम महिला पोलीस कर्मचाऱ्यासासह तुरुंग अधिकाऱ्याला निलंबित करण्याचे आदेश देण्यात आले आहेत.

वाल्मिक कराडसह संतोष देशमुख हत्या प्रकरणातील आरोपी बीड्या जिल्हा कारागृहात कैद आहेत. कारागृह प्रशानावर आरोप झाले. त्यानंतर वरिष्ठ कार्यालयाकडून गंभीर दखल घेण्यात आली. या प्रकरणानंतर वारंवार तपासणी केली जात आहे. संतोष देशमुख प्रकरणातील मुख्य सूत्रधार वाल्मिक कराड आणि त्याचबरोबर सुदर्शन घुले, प्रतिक घुले, जयराम चाटे, महेश केदार हे सर्व याच कारागृहात आहेत. त्याच कारागृहातील वरिष्ठ पोलीस अधिकारी, पोलीस महिला कर्मचाऱ्याला निलंबित करण्यात आलं आहे. त्यांच्या निलंबनाचे आज शनिवारी आदेश देण्यात आले.