हा जल्लोष आहे मिनी मंत्रालय मानल्या जाणाऱ्या जिल्हा परिषद निवडणुकीतील विजयाचा... होय... या जिल्हा परिषद निवडणुकीतही मतदारांनी पुन्हा एकदा घराणेशाहीलाच कौल दिल्याचं समोर आलंय..... राज्यातील दिग्गज मंत्री, आमदारांची मुलं, पत्नी, भाऊ यांनाच मतदारांनी भरभरुन मतदान केलं आणि विजयी गुलालही उधळलाय...

झेडपीत मतदारांचा घराणेशाहीला कौल

भास्कर जाधव (आमदार, ठाकरेसेना) (मुलगा)- विक्रांत जाधव (रत्नागिरी) (ठाकरेसेना)

दिलीप वळसे पाटील (आमदार, राष्ट्रवादी (AP) - विवेक वळसे पाटील (पुतण्या) (पुणे) (राष्ट्रवादी (AP)

सदाभाऊ खोत (आमदार, भाजप) - मोहिनी खोत (सून) (सांगली) (रयत क्रांती संघटना)

राणा जगजितसिंह पाटील (आमदार, भाजप) - अर्चना पाटील (पत्नी) (धाराशिव) (भाजप)

राम सातपुते (माजी आमदार, भाजप)- संस्कृती सातपुते (पत्नी) (सोलापूर) (भाजप)

महेंद्र दळवी, आमदार, शिंदेसेना- मानसी दळवी, (पत्नी) (रायगड) (शिंदेसेना)

आदिती दळवी, सून (शिंदेसेना)

भरत गोगावले, रोहियो मंत्री - विकास गोगावले (पुत्र) (रायगड) (शिंदेसेना)

प्रकाश आबिटकर (आरोग्य मंत्री) - रोहिणी आबिटकर (वहिनी) (कोल्हापूर) (शाहू महाआघाडी)

सचिन कल्याणशेटी(आमदार, भाजप) - शांभवी कल्याणशेट्टी (पत्नी) (भाजप)

बाबासाहेब पाटील( सहकार मंत्री ) - सुरज पाटील, मुलगा (लातूर) (राष्ट्रवादी (AP) (पं. स)

अब्दुल सत्तार, (आमदार, शिंदेसेना)- अमीर सत्तार, (मुलगा) (शिंदेसेना) (छ. संभाजीनगर)

दुसरीकडे सोलापूर जिल्ह्यात भाजपनं सर्वाधिक 44 जागा जिंकल्या.. मात्र सोलापूरमध्ये विजयाचे शिल्पकार ठरलेल्या पालकमंत्री जयकुमार गोरेंना होमपिचवर मोठा झटका बसलाय..गोरेंसह राज्यातल्या काही नेत्यांची घराणेशाही मतदारांनी झुगारून लावलीय.

उत्तम जानकर यांचा मुलगा जीवन जानकर यांचा पराभव

जयकुमार गोरे यांचा भाऊ अरुण गोरे कुकुडवाड गटातून पराभूत

भाजपचे माजी मंत्री सुरेश वरपूडकर यांचा मुलगा समशेर वरपूडकर,

मुलगी सोनल वरपूडकर, सून प्रेरणा वरपूडकर यांचा पराभव

खरंतर घराणेशाही ही कुठल्या एका पक्षापुरती मर्यादित राहिली नाही.... सर्वच पक्षांमध्ये घराणेशाहीने हातपाय पसरल्याचं चित्र आहे... या घराणेशाहीला आधी राजमान्यता आणि आता लोकमान्यताही मिळालीय... या घराणेशाहीमुळे वर्षानुवर्षे पक्षासाठी कष्ट करणाऱ्या कार्यकर्त्यांना सतरंज्याचं उचलाव्या लागणार असल्याचं दिसतंय.