Pandharpur News : वसंत पंचमी निमित्त (Vasant Panchami) उद्या दुपारी बारा वाजता पंढरपूर येथील विठ्ठल मंदिरात विठ्ठल रुक्मिणीचा (Vitthal Rukmini Wedding Ceremony) विवाह सोहळा मोठ्या थाटामाटात संपन्न होणार आहे. या निमित्त पंढरपूरात (pandharpur) जय्यत तयारी सुरु आहे. (Maharashtra News)

या शाही विवाह सोहळ्यासाठी लागणारे विठुरायाचे आणि रूक्मिणी मातेचे रेश्मी पोषाख मंदिर समितीकडे आले आहेत. विवाह सोहळ्याच्या निमित्ताने मंदिर समिती उद्या विठुरायाला पांढ-या रंगाचे रेश्मी पोषाख आणि रूक्मिणी मातेला पांढ-या रंगाची रेश्मा साडी परिधान करणार आहे.

बंगळूर येथील एका भाविकाने विठ्ठल रुक्मिणी यांच्या विवाह सोहळ्याच्या निमित्ताने पोषाख भेट दिला आहे. हा पाेषाख उद्या देवतांना परिधान करण्यात येणार आहे. उद्या प्रजासत्ताक दिन असल्याने नागरिकांना सुटी आहे. त्यामुळे या विवाह साेहळ्यासाठी भाविकांची माेठी गर्दी हाेण्याची शक्यता आहे. त्यादृष्टीने विठ्ठल रुक्मिणी मंदिरात दर्शन व्यवस्था करण्यात येणार आहे.

Edited By : Siddharth Latkar