- बालाजी सुरवसे

Dharashiv :

राहुल नार्वेकरांना सगळे पक्ष फोडण्याचा दांडगा अनुभव आहे. राहुल नार्वेकरांच्या मतदार संघात 'निर्भय बनो'च्या तीन सभा घेणार आहाेत असा हल्लाबोल सामाजिक कार्यकर्ते विश्वंभर चौधरी (dr. vishwambhar chaudhari) यांनी धाराशिव येथे नुकत्याच झालेल्या निर्भय बनो या कार्यक्रमातुन नार्वेकरांवर केला. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

धाराशिव येथील छत्रपती शिवाजी हायस्कूल येथे रविवारी संध्याकाळी निर्भय बनो कार्यक्रम पार पडला. यावेळी वकील असीम सरोदे (advocate asim sarode) व डॉ. विश्वंभर चौधरी यांनी मोदी सरकारवर टीका करतानाचा विधानसभा अध्यक्ष राहुल नार्वेकर यांच्यावर देखील जोरदार हल्लाबोल केला. या कार्यक्रमासाठी मोठ्या संख्येने नागरीक उपस्थित होते.

डॉ. विश्वंभर चौधरी म्हणाले राहुल नार्वेकरांनी जे केले त्याचे बक्षीस म्हणून त्यांना लोकसभेत अध्यक्ष करणार असे ऐकलं आहे. नार्वेकरांना सगळे पक्ष फोडण्याचा अनुभव दांडगा आहे. आम्ही त्यांच्या मतदारसंघात ३ निर्भय बनोच्या सभा घेणार आहाेत. त्यांच्या मतदारांना नार्वेकर जे वागले ते सांगणार असेही डॉ. चौधरी यांनी म्हटले.

Edited By : Siddharth Latkar