- जितेश काेळी

Uday Samant News : राज्याचे उद्योगमंत्री उदय सामंत (Uday Samant) यांना जाळून टाकू असे वक्तव्य एका आंदाेलकाने केल्याने रत्नागिरी जिल्ह्यात (ratnagiri) महाराष्ट्रात मंत्री सामंत यांच्या समर्थकांमध्ये तीव्र नाराजी पसरली आहे. रिफायनरीस विराेध करा परंतु असे प्रक्षाेभक भाषण करुन चिथावणी देण्याचे प्रकार घडू नयेत याची काळजी पाेलिसांनी (police) घ्यावी असे समर्थकांचे म्हणणे आहे. (Ratnagiri Latest Marathi News)

कॉंग्रेस प्रदेशाध्यक्ष नाना पटोले यांच्या काल झालेल्या राजापूर दौऱ्याच्या वेळी एक धक्कादायक घटना घडली आहे. रिफायनरी विरोधक जोशी नामक नेत्याने नाना पटोले व पोलिसांच्या उपस्थितीत राज्याचे उद्योगमंत्री उदय सामंत यांना जाळून ठार मारण्याची धमकी दिल्याने खळबळ उडाली आहे. या जोशी नामक नेत्याचा व्हिडओ आता सोशल मिडीयावर व्हायरल होत असून पोलिसांनी आता या प्रकरणात चौकशीचे आदेश दिले आहेत.

आता या प्रकरणात कोकण परिक्षेत्र विशेष पोलीस महानिरीक्षक संजय मोहिते यांनी देखील लक्ष घातले आहे. या घटनेचे गांभीर्य ओळखून रत्नागिरी जिल्हा पोलीस अधीक्षक डॉ. मोहितकुमार गर्ग यांनी मंत्री सामंत यांच्यासमवेत चर्चा केली. आता याबाबत अधिक चौकशी केली जाईल असे पाेलिसांनी नमूद केले.

Edited By : Siddharth Latkar