- विनायक वंजारे

Girish Bapat Latest Updates : भाजपला कसबा विधानसभा पोटनिवडणुकीचा (Kasba By-Election) निकाल लक्षात आल्यानेच प्रचारासाठी खासदार गिरीश बापट (girish bapat) यांना मैदानात उतरवलं आहे. खरंतर पंतप्रधान (pm modi) असाे अथवा गृहमंत्री (amit shah) किंवा अन्य भाजपचा माेठा नेता काेणीही निवडणुकीच्या प्रचारासाठी आलं तरी भाजपचा (bjp) पराभव निश्चित आहे असा विश्वास खासदार विनायक राऊत (vinayak raut) यांनी व्यक्त केला.

खासदार विनायक राऊत म्हणाले पुणे येथील कसबा पोटनिवडणुकीत फक्त ब्राह्मणांची मते मिळवण्यासाठी दुर्धर आजारात ऑक्सीजनवर असलेल्या खासदार गिरीश बापटांना मैदानात उतरवलं जातं हे भारतीय जनता पक्षाच्या दृष्टीने कमकुवतपणाचे लक्षण आहे. पंतप्रधान, गृहमंत्री पुण्याला येऊन सुद्धा मत मिळणार नाही ही खात्री पटल्यामुळेच गिरीश बापटांना भाजपाने मैदानात आणलं.

खासदार विनायक राऊत म्हणाले हे दुर्देवी आहे. ज्यांना ऑक्सिजनची गरज लागत आहे. दुर्धर आजाराशी ते लढा देताहेत. तरी त्यांना निवडणुकीच्या मैदानात आणलं जात आहे. हे ब्राह्मणांची मत मिळविण्यासाठी केले गेले असेही राऊत यांनी नमूद केले. (Maharashtra News)

Edited By : Siddharth Latkar