बीड: बीडमध्ये सुरु असलेल्या क्षीरसागर काका- पुतण्याच्या वादावर, शिवसंग्रामचे संस्थापक अध्यक्ष विनायक मेटे यांनी टीकास्त्र सोडले आहे. बीडकरांनी (Beed) काही दिवसांपूर्वी नौटंकी पहिली होती. यात अनेक पात्र देखील पाहिले, क्षीरसागर (Kshirsagar) काका- पुतणे हे आतून एकच असल्याचं म्हणत, बीडमध्ये फॅमिली ड्रामा सुरू असल्याच विनायक मेटे (Vinayak Mete) यांनी यावेळी म्हटले आहे.

हे देखील पहा-

आपलं ठेवायचं झाकून आणि दुसऱ्याचे पाहायचे वाकून अशी गत सध्या बीडमध्ये सुरू आहे. नुकतेच आमदार संदीप क्षीरसागरांना (Sandeep Kshirsagar) सोडून शिवसेनेत (Shiv Sena) प्रवेश केलेले पाच पांडव असतील तर यांचा कौरव कोण? असा सवाल देखील मेटेंनी उपस्थित केला आहे. ते बीडमध्ये आयोजित पत्रकार परिषदेत बोलत होते.

यावेळी त्यांनी नुकत्याच झालेल्या शिवसेना पक्षप्रवेशावर देखील सडकून टीका केली आहे. तर येणाऱ्या नगर पालिका निवडणुकीसाठी (election) आम्ही सर्व ताकतीने मैदानात उतरणार असून नव्या चेहऱ्यांना निवडणुकीसाठी संधी देणार असल्याचं देखील ते म्हणाले आहेत.

Edited By- Digambar Jadhav