- रणजीत माजगावकर

Kolhapur News : दख्खनचा राजा श्री जोतिबा देवाच्या चैत्र यात्रेत पहिल्या क्रमांकाचा मान असणाऱ्या सातारा जिल्ह्यातील पाडळी इथल्या मानाच्या सासनकाठीला केंद्र शासनाचे कॉपीराईट नामांकन प्राप्त झाले. त्या कॉपीराईटचा नुकताच जोतिबा देवाच्या मुख्य मंदिरात प्रकाशन सोहळा झाला. (Maharashtra News)

या कार्यक्रमास काेडाेली पाेलीस ठाण्याचे सहायक पाेलीस निरीक्षक शीतलकुमार डाेईज व पश्चिम महाराष्ट्र देवस्थान समितीचे जाेतिबा येथील अधीक्षक धैर्यशील तिवले यांच्यासह आदी मान्यवर उपस्थित हाेते. या सासनकाठीची कोणी कॉपी करू नये म्हणून हे कॉपीराइट नामांकन पाडळी गावच्या ग्रामस्थांनी मिळवल्याचे नमूद केले. यावेळी जोतिबाच्या नावानं चांगभलंचा जयघोष करण्यात आला.

ज्याेतिर्लिंग देवस्थान ट्रस्टचे अध्यक्ष रवींद्र ढाेणे म्हणाले आमच्या पाडळी गावच्या मानाच्या सासनकाठीला केंद्र शासनाने काॅपी राईट नामांकन मिळाले आहे. जाेतिबा डाेंगरावर मुख्य मंदिरात आम्ही विधिवत पूजा करुन त्याचा प्रकाशन साेहळा साजरा केला. आमच्या सासनकाठीची काेणी काॅपी करुन नये म्हणून आम्ही नामांकन मिळविले आहे. यावेळी भाविक माेठ्या संख्येने उपस्थितीत हाेते.

Edited By : Siddharth Latkar