संतोष जोशी

नांदेड - नांदेड Nanded मध्ये स्थानिक डी गँगचा प्रमुख विक्की ठाकूर याचा 20 जुलै रोजी गोळी झाडून निघृण खून करण्यात आला होता. खुन प्रकरणांतील आठ आरोपींना पकडण्यात स्थानिक गुन्हे शाखेच्या पथकाला यश आले आहे.

हे देखील पहा-

नांदेड मध्ये अनेक वर्षांपासून स्थानिक पातळीवरील डी गँग आणि के. बी गँग मध्ये संघर्ष सुरू आहे. 20 जुलै रोजी डी गँगचा प्रमुख विक्की ठाकूरला शहरातील गाडीपूरा भागात के. बी गँगच्या आठ सदस्यांनी पाठलाग करुन गोळ्या झाडून आणि तलवारी ने सपासप वार करुन ठार केले होते.

दोन्ही गँग मधील वाद आणखी उफाळण्याची शक्यता असल्याने स्थानिक गुन्हे शाखेच्या पथकाने तपास चक्रे वेगाने फिरवत गुन्ह्यातील के. बी गँगच्या आठही आरोपींना अटक केली आहे. अटक केलेल्या आरोपींकडून मोठ्या गुन्ह्यांची उकल होण्याची शक्यता ही पोलिसांनी वर्तविली आहे.

Edited By-Sanika Gade