- सचिन बनसाेडे

Vaibhav Pichad : अकोले तालुक्यातील महत्वाची सहकारी संस्था असणाऱ्या अमृतसागर सहकारी दूध व्यावसायिक आणि प्रक्रिया संघाच्या अध्यक्षपदी माजी आमदार वैभव पिचड (vaibhav pichad) यांची निवड झाली आहे. या दूध संघाच्या उपाध्यक्षपदी रावसाहेब वाकचौरे (raosaheb wakchaure) यांची निवड झाली आहे. या दाेन्ही निवडी बिनविरोध झाल्या आहेत. (Breaking Marathi News)

अमृतसागर सहकारी दूध व्यावसायिक आणि प्रक्रिया संघाची नुकतीच निवडणुक झाली. या निवडणुकीत माजी मंत्री मधुकर पिचड आणि माजी आमदार वैभव पिचड यांच्या नेतृत्वाखालील शेतकरी विकास मंडळाने एकतर्फी विजय संपादन केला होता. या निवडणुकीत महाविकास आघाडी (mva) आणि मित्र पक्षांच्या शेतकरी समृद्धी मंडळाचा दणदणीत पराभव केला.

या मंडळाला अवघ्या दोन जागांवर समाधान मानावे लागले होते. तर शेतकरी विकास मंडळाने १३ जागांवर नेत्रदीपक यश संपादन केले होते. या दूध संघाच्या अध्यक्षपदाची आणि उपाध्यक्षपदाची निवडणुक (election) बिनविराेध झाली. या दूध संघाच्या अध्यक्षपदी पिचड यांची निवड झाल्याने त्यांच्या राजकारणाला पुन्हा उभारी मिळाली आहे अशी चर्चा तालुक्यात आहे.

Edited By : Siddharth Latkar