Nashik News : नाशिक जिल्ह्याला सलग तिसऱ्या दिवशी अवकाळी पावसाने आणि गारपीटीचा तडाखा बसला आहे. जवळपास ४ हजार हेक्टर क्षेत्राला या अवकाळी पावसाचा फटका बसला आहे. यामुळे ५ हजार शेतकरी अडचणीत सापडले आहे.

प्रशासनाकडून पंचनामे सुरू असतानाच पुन्हा अवकाळी पावसाने हजेरी लावली आहे. जिल्ह्यात तीन दिवस झालेल्या अवकाळी आणि गारपीटीने ४ हजार १५४ हेक्टरवरील पिकांचं नुकसान झालं आहे. सर्वाधिक फटका निफाड तालुक्याला बसला असून येथे २४१९ हेक्टरवरील गव्हाचं मोठ्या प्रमाणात नुकसान झालं आहे. (Latest News)

जिल्ह्यातील ९७९ हेक्टरवरील द्राक्ष बागा, तर ३१४ हेक्टरवरील कांद्याचं नुकसान झालं आहे. पिकांवर रोगांचा प्रादुर्भाव होण्याची शक्यता असल्याने नुकसानीचा आकडा वाढण्याचा अंदाज वर्तवला जात आहे.