बीड - धारूर Dharur तालुक्यातील चिंचपूरच्या नदीला Chinchpur River काल पूर होता. या पुराच्या पाण्याचा अंदाज न आल्यानं, रात्री मोटारसायकलवर जात असलेले दोघेजण वाहून गेले असून यातील एकाचा मृतदेह सापडला आहे तर दुसरा अद्याप बेपत्ता आहे. महादेव सोनवणे असं सापडलेल्या मयत व्यक्तीचं नाव आहे तर उत्तम सोनवणे असं बेपत्ता असणाऱ्या व्यक्तीचं नाव आहे. दोघेही रा. उंदरी ता. केज येथील रहिवासी आहेत.

हे देखील पहा -

धारुर ते चिंचपूर रस्त्यावरील खारीचा पुल म्हणून ओळखला जाणाऱ्या नदीला काल अतिवृष्टीमुळे पुर आलेला होता. रात्री या पुलावरुन केज तालुक्यातील उंदरी येथील महादेव सोणवने व उत्तम सोणवने आपल्या दुचाकीवरुन जात होते. परंतू पाण्याचा अंदाज न आल्याने दुचाकीसह दोघे वाहून गेले. दरम्यान घटनास्थळी धारुर पोलिस व ग्रामस्थांनी रात्रीपासून मदतकार्य सुरु केले असून वाहून गेलेल्या एकाचा शोध अद्याप सुरु आहे.

Edited By - Shivani Tichkule