नवी दिल्ली: देशात कोरोना रुग्णांची संख्या वाढत असून अनेक बड्या नेत्यांना कोरोनाची लागण होत आहे. केंद्रीय आरोग्य राज्यमंत्री डॉ. भारती पवार यांनाही कोरोनाची लागण झाली आहे. त्यांनी ट्विट करत याबाबत माहिती दिली. (Union Minister of State for Health Dr. Bharti Pawar Corona Positive)

हे देखील पहा -

राज्यात वाढत्या कोरोना आकडेवारीच्या पार्श्वभूमीवर केंद्रीय आरोग्य राज्य मंत्री भारती पवार (Bharti Pawar) यांनी दोन दिवसांपूर्वी सह्याद्री अतिथीगृहावर आरोग्य विभागाच्या अधिकाऱ्यांची बैठक बोलावली होती. यावेळी आरोग्य विभागाचे अतिरिक्त मुख्य सचिव डॉ. प्रदीप व्यास, तसेच पालिकेचे अतिरिक्त आयुक्त सुरेश काकाणी उपस्थित होते. मात्र आता डॉ. भारती पवार कोरोना पॉझिटिव्ह (Corona Positive) आढळल्याने बैठकीत उपस्थित असलेल्यांनाही कोरोनाची लागण झाली असल्याची शक्यता आहे.

Edited By - Akshay Baisane