उल्हासनगर : उल्हासनगरच्या (ulhasnagar) कॅम्प ४ मधील सेक्शन ३० मध्ये गुरुनानक दरबार आहे. या दरबारात शनिवारी (ता. १९ मार्च) रात्रीच्या सुमारास एक चोरटा (thieves) घुसला. या चोरट्यानं आधी मंदिरात (temple) देवाचं दर्शन घेतलं आणि त्यानंतर देवाच्या चांदीच्या पादुका उचलून रुमालात गुंडाळल्या. त्यानंतर पुन्हा देवाचं दर्शन घेत नमस्कार केला आणि पोबारा केला. (ulhasnagar latest marathi news)

काही वेळानं पादुका जागेवर नसल्याची बाब मंदिराच्या सेवेकऱ्यांच्या लक्षात येताच त्यांनी सीसीटीव्ही तपासलं. त्यामध्ये लाल रंगाचा शर्ट घातलेला एक इसम दर्शनाच्या बहाण्याने मंदिरात आला आणि पादुका चोरून नेल्याचं निष्पन्न झालं.

याप्रकरणी विठ्ठलवाडी पोलीस ठाण्यात गुन्हा दाखल झाल्यानंतर पोलिसांनी काही तासातच या चोरट्याला शोधत त्याला बेड्या ठोकल्या. नितीन पाईकराव (वय ३२) असे चोरट्याचं नाव असून त्याच्याकडून चोरलेल्या पादुकाही हस्तगत करण्यात आल्या आहेत.

Edited By : Siddharth Latkar