सातारा : भाजपचे खासदार उदयनराजे भोसले यांनी गृहराज्यमंत्री शंभूराज देसाई यांची भेट घेतली असून जिल्हा बँकेच्या निवडणुकी संदर्भात भेट घेतल्याची चर्चा सुरू आहे. या वेळी उदयनराजेंना शिवेंद्रराजेंच्या प्रश्नावर पत्रकारांनी छेडलं असता शिवेंद्रराजेंची भेट झाली नाही तरी त्यांना गाठणारच असं वक्तव्य त्यांनी केले आहे. आमदार शिवेंद्रराजे भोसले यांची भुमिका या निवडणुकीत महत्वाची असल्यामुळे उदयनराजेंच्या या वक्तव्याला खुप महत्व प्राप्त झालं आहे. shivendraraje bhosale udayanraje bhosale shambhuraj desai satara political news dcc bank election

सातारा जिल्हा मध्यवर्ती सहकारी बॅंकेची निवडणुक जाहीर झाल्यापासून जिल्ह्यातील राजकारण तपालं आहे. खासदार उदयनराजे भाेसले यांनी बॅंकेच्या काराभारावर गेल्या काही दिवसांपासून नाराजी व्यक्त केली आहे. यंदाच्या निवडणुकीत सत्ताधा-यांनी त्यांना सध्या तरी सर्व समावेशक पॅनलमध्ये घेतलेले नाही.

अर्ज भरल्यानंतर उदयनराजे यांनी मतदारांच्या आणि प्रमुख नेत्यांच्या गाठीभेटी सुरु केल्या आहेत. साेमवारी राजेंनी फलटण आणि कराड दाैरा केला. या दाै-यात उदयनराजेंनी ज्येष्ठ नेते रामराजे नाईक निंबाळकर यांच्यासह सहकारमंत्री बाळासाहेब पाटील यांची भेट घेऊन त्यांना शुभेच्छा देत काही विषयांवर चर्चा केली.

आजही उदयनराजेंनी सकाळपासून भेटी गाठींवर जाेर धरला आहे. आमदार शशिकांत शिंदे, आमदार मकरंद पाटील यांची उदयनराजेंनी भेट घेतली. त्यानंतर उदयनराजेंनी गृहराज्यमंत्री शंभूराज देसाईंची भेट घेतली. तेथे त्यांना शिवेंद्रसिंहराजेंना भेटणार का असे विचारले असताना ते भेटले नाही तर गाठणार असे नमूद केले. दरम्यान त्यापुर्वी उदयनराजेंनी आमदार शिवेंद्रसिंहराजे भाेसले यांनी उभारलेल्या राजधानी सातारा या सेल्फी पाॅईंटच्या लाेकापर्णापुर्वीच तेथे जाऊन सेल्फी काढण्याचा आनंद लुटला.

edited by : siddharth latkar