यवतमाळ : कोरोना व्हायरसचा (corona) प्रसार दिवसेंदिवस वाढत आहे. कोरोनाच्या (corona patients) रुग्ण संख्येमध्ये वाढ होत आहे. त्यातच राज्यामधील आमदार (MLA), मंत्री आणि नेते (ministers and leaders) मंडळींना देखील कोरोनाची लागण होत आहे. आता हिवाळी अधिवेशनामध्ये (Winter Session) हजेरी लावलेल्या २ आमदारांनाही कोरोनाची लागण झाली आहे.

पहा व्हिडिओ-

आमदार निलय नाईक यांना कोरोनाची लागण झाल्याची माहिती पुढे आली आहे. कोरोना पॉझिटिव्ह (Positive) अहवाल आल्यानंतर आमदार निलय नाईक हे नागपूर येथील खासगी रूग्णालयामध्ये उपचार घेत आहे. तर पुसद मतदारसंघाचे राष्ट्रवादीचे आमदार इंद्रनील नाईक यांना देखील कोरोनाची लागण झाली असून ते सध्या मुंबई (Mumbai) येथील लिलावती हॉस्पिटलमध्ये (hospital) उपचार घेत आहे.

दोन्ही आमदारांची (MLA) प्रकृती ठिक आहे. दोन्ही आमदारांनी कोरोनाची टेस्ट केल्यानंतर अहवाल पॉझिटिव्ह आला. संपर्कात आलेल्या व्यक्तींनी कोविड (Covid) टेस्ट करून घ्यावी असे आवाहन आमदार निलय नाईक यांनी यावेळी केले आहे. राज्याचे महसूल मंत्री बाळासाहेब थोरात, महिला आणि बालकल्याण मंत्री यशोमती ठाकूर, शालेय शिक्षण मंत्री वर्षा गायकवाड, ऊर्जा राज्यमंत्री प्राजक्त तनपुरे, आदिवासी विकास मंत्री के सी पाडवी यांना कोरोनाची लागण झाली आहे. तसेच भाजप नेते राधाकृष्ण विखे पाटील, हर्षवर्धन पाटील यांना देखील कोरोनाची लागण झाली आहे.

Edited By- Digambar Jadhav