Parbhani News : धरणाच्या पाण्यात पोहण्यासाठी गेलेल्या दोन तरुणांना बुडून मृत्यू झाला आहे.  परभणीतील सेलू तालुक्यातील निम्न दुधना प्रकल्पाच्या गेटजवळ ही घटना घडली आहे. पोहताना पाण्याचा अंदाज न आल्याने दोन्ही युवकांचा मृत्यू झाला आहे.

सेलू शहरातील गायत्रीनगर येथील रोहित दीपक टाक (वय 23)व नितीन गुणाजी साळवे (वय 25)असे मयत तरुणांची नावे आहेत. हे दोन्ही तरुण सायंकाळी 4 वाजेच्या सुमारास दुधना प्रकल्पाच्या गेटजवळ पोहण्यास उतरले होते. मात्र पाण्याचा अंदाज आल्याने ही दुखद घटना घडली आहे. (Breaking Marathi News)

दोघा तरुणांचे मृतदेह पाण्यात तरंगतांना मच्छामारांना दिसले. त्यानंतर त्यांनी लगेच परतुर पोलिसांना माहिती दिली. दोन्ही तरुणांचे मृतदेह मच्छीमारांच्या मदतीने बाहेर काढण्यात आले. (Latest Marathi News)

धरणाजवळ युवकांचे कपडे,मोबाईल,चप्पल असे साहित्य आढळून आले आहे. सेलू उपजिल्हा रुग्णालयात शवविच्छेदन करण्यात येणार असून सेलू पोलीस पुढील तपास करत आहे.

रत्नागिरीतही दोघेजण बुडाले

रत्नागिरी-चिपळूणमधील शिरगाव जवळच्या नदीवर पोहायला गेलेल्या दहा मुलांपैकी दोघेजण बुडाल्याची घटना समोर आली आहे. सुट्टीच्या दिवशी नदीच्या डोहात आंघोळ करण्यासाठी गेले होते. बुडालेले दोघेही दहावीचे विद्यार्थी असल्याची माहिती आहे. अतिक बेबल आणि अब्दुल लसने अशी बेपत्ता दोन मुलांची नावे आहे. शिरगाव पोलीस घटनास्थळी दाखल झाले असून दोन्ही मुलांचा शोध घेण्यास सुरवात केली आहे.